2016 - Today (NLD)

Search Myanmar Laws - ဥပဒေများကို အလွယ်တကူ ရှာနိုင်ပါသည်။


   

2016-10-04 - ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်းဆိုင်ရာ ဥပဒေ

 ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်းဆိုင်ရာ ဥပဒေ

(၂၀၁၆ ခုနှစ်၊ ပြည်ထောင်စုလွှတ်တော်ဥပဒေအမှတ် ၃၈ )

၁၃၇၈ ခုနှစ်၊ သီတင်းကျွတ်လဆန်း ရက်

( ၂၀၁၆ ခုနှစ်၊ အောက်တိုဘာလ ရက် )

ပြည်ထောင်စုလွှတ်တော်သည် ဤဥပဒေကို ပြဋ္ဌာန်းလိုက်သည်။

အခန်း()

အမည်နှင့် အဓိပ္ပာယ်ဖော်ပြချက်

၁။ဤဥပဒေကို ငြိမ်းချမ်းစွာစုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းဆိုင်ရာ ဥပဒေဟု ခေါ်တွင် စေရမည်။

 

၂။ ဤဥပဒေတွင်ပါရှိသောအောက်ပါစကားရပ်များသည်ဖော်ပြပါအတိုင်းအဓိပ္ပာယ်သက်ရောက်စေရမည် -

(က) နိုင်ငံသားဆိုသည်မှာပြည်ထောင်စုသမ္မတမြန်မာနိုင်ငံတော်၏တိုင်းရင်းသားမိဘနှစ်ပါးမှမွေးဖွားသနှင့် ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေအတည်ပြုပြဋ္ဌာန်းသည့်နေ့တွင်ဥပဒေအရနိုင်ငံသား ဖြစ်ပြီးသူတို့ကိုဆိုသည်။

() လက်နက်ဆိုရာတွင်လက်နက်အက်ဥပဒေများနှင့်ပေါက်ကွဲစေတတ်သောဝတ္ထုပစ္စည်းများအက်ဥပဒေတွင်

အဓိပ္ပာယ်ဖွင့်ဆိုထားသည့်လက်နက်၊ကိရိယာတန်ဆာပလာများအပြင်သူတစ်ဦးဦးအားဘေးအန္တရာယ်

တစ်စုံတစ်ရာဖြစ်စေနိုင်သောပစ္စည်းလည်းပါဝင်သည်။

() ငြိမ်းချမ်းစွာစုဝေးခြင်းဆိုသည်မှာဤဥပဒေနှင့်အညီအများပြည်သူဆိုင်ရာနေရာတွင်မိမိသဘောထားဆန္ဒကို ဖော်ပြရန်အလို့ငှာနိုင်ငံသားများကဖြစ်စေ၊အဖွဲ့အစည်းတစ်ရပ်ရပ်ကဖြစ်စေလက်နက်မပါဘဲငြိမ်းချမ်းစွာရောက်ရှိခြင်း၊

ဟောပြောခြင်းကိုဆိုသည်။ယင်းစကားရပ်တွင်နိုင်ငံသားတစ်ဦးချင်းအနေဖြင့်အလားတူဆောင်ရွက်ခြင်းလည်းပါဝင်သည်။

() ငြိမ်းချမ်းစွာစီတန်းလှည့်လည်ခြင်းဆိုသည်မှာဤဥပဒေနှင့်အညီအများပြည်သူဆိုင်ရာလမ်းတွင်မိမိသဘောထားဆန္ဒ ကိုဖော်ပြရန်အလို့ငှာနိုင်ငံသားများကဖြစ်စေ၊အဖွဲ့အစည်းတစ်ရပ်ရပ်ကဖြစ်စေလက်နက်မပါဘဲငြိမ်းချမ်းစွာ

စနစ်တကျလှည့်လည်ခြင်း၊ကြွေးကြော်ခြင်းကိုဆိုသည်။ယင်းစကားရပ်တွင်နိုင်ငံသားတစ်ဦးချင်းအနေဖြင့်

အလားတူဆောင်ရွက်ခြင်းလည်းပါဝင်သည်။

() အသိပေးတင်ပြချက်ဆိုသည်မှာငြိမ်းချမ်းစွာစုဝေးခြင်းသို့မဟုတ်ငြိမ်းချမ်းစွာစီတန်းလှည့်လည်ခြင်းပြုရန်ဤဥပဒေနှင့် အညီသက်ဆိုင်ရာမြို့နယ်ရဲတပ်ဖွဲ့မှူးထံသို့စာဖြင့်အကြောင်းကြားခြင်းကိုဆိုသည်။

() ပိုစတာဆိုသည်မှာလူတစ်ဦးတစ်ယောက်၏အသရေကိုနစ်နာမှုမဖြစ်စေသောမိမိဆန္ဒသဘောထားနှင့်လိုလားချက် တို့ကို စာဖြင့် ရေးသား၍ဖြစ်စေ၊ဆိုင်းဘုတ်၊ရုပ်ပုံ၊ဓာတ်ပုံ၊ပန်းချီ၊ကာတွန်းသို့မဟုတ်ရုပ်တုဖြင့်ဖြစ်စေ၊ရုပ်မြင်သံကြား ထုတ်လွှင့်သည့်နည်းလမ်းဖြင့်ဖြစ်စေ၊အခြားတစ်နည်းနည်းဖြင့်ဖြစ်စေဖော်ပြပြီးလက်တွင်ကိုင်ဆောင်နိုင်ရန်၊မြေတွင် စိုက်ထူနိုင်ရန်၊အရာဝတ္ထုတစ်ခုခုတွင်ကပ်ထားနိုင်ရန်သို့မဟုတ်တစ်နည်းနည်းဖြင့်ဖော်ပြနိုင်ရန်စီမံပြုလုပ်ထား သည့်အရာကိုဆိုသည်။

() ဆိုင်းဘုတ်ဆိုသည်မှာပါတီသို့မဟုတ်အသင်းသို့မဟုတ်အဖွဲ့အစည်းတစ်ခုခု၏အမည်၊အထိမ်းအမှတ်တံဆိပ်တို့ကိုရေးသား

ဖော်ပြချက်များအပါအဝင်လူတစ်ဦးတစ်ယောက်၏အသရေကိုနစ်နာမှုမဖြစ်သောမိမိဆန္ဒသဘောထားနှင့် လိုလားချက်တို့ကိုစာဖြင့်ရေးသားလက်တွင်ကိုင်ဆောင်နိုင်ရန်၊မြေတွင်စိုက်ထူနိုင်ရန်၊တစ်နေရာရာ၌ချိတ်ဆွဲနိုင်ရန်

သို့မဟုတ်တစ်နည်းနည်းဖြင့်ဖော်ပြနိုင်ရန်စီမံပြုလုပ်ထားသောအရာကိုဆိုသည်။

() အလံဆိုရာတွင်နိုင်ငံတော်အလံ၊တရားဝင်ပါတီနှင့်တရားဝင်အသင်းအဖွဲ့အလံတို့ပါဝင်သည်။

အခန်း()

ရည်ရွယ်ချက်

၃။ဤဥပဒေ၏ရည်ရွယ်ချက်များမှာအောက်ပါအတိုင်းဖြစ်သည် -

(က) နိုင်ငံသားတိုင်းသည်နိုင်ငံတော်လုံခြုံရေး၊တရားဥပဒေစိုးမိုးရေး၊ရပ်ရွာအေးချမ်းသာယာရေးနှင့်ပြည်သူတို့၏ကိုယ်ကျင့်တရား

အကျိုးတို့ကိုထိန်းသိမ်းစောင့်ရှောက်ရန်။

() ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေပါနိုင်ငံသားများ၏မူလအခွင့်အရေးဖြစ်သည့်ငြိမ်းချမ်းစွာ

စုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ကိုသုံးစွဲဆောင်ရွက်ခွင့်ရရှိစေရန်နှင့်ယင်းတို့အားဥပဒေအရအကာအကွယ်ပေးရန်။

()  ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းအခွင့်အရေးတို့ကိုသုံးစွဲဆောင်ရွက်သူများကြောင့်အများပြည်သူအား

အနှောင့်အယှက်ဖြစ်စေခြင်း၊ဘေးအန္တရာယ်ဖြစ်စေခြင်း၊ထိခိုက်နစ်နာစေခြင်းနှင့်အဟန့်အတား ဖြစ်စေခြင်းတို့မှကာကွယ်ရန်။

အခန်း()

အသိပေးတင်ပြခြင်း

၄။ ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းအခွင့်အရေးတို့ကိုသုံးစွဲဆောင်ရွက်လိုသောနိုင်ငံသားများ

သို့မဟုတ်အဖွဲ့အစည်းများသည်မိမိသဘောထားဆန္ဒကိုဖော်ပြရန်အလို့ငှာအောက်ပါအချက်များပါရှိသောအသိပေး တင်ပြချက် ကိုသက်ဆိုင်ရာမြို့နယ်ရဲတပ်ဖွဲ့မှူးထံယင်းသို့ဆောင်ရွက်မည့်နေ့မတိုင်မီအနည်းဆုံး၄၈နာရီကြိုတင်၍စာဖြင့်ပေးပို့တင်ပြရမည်။

စီတန်းလှည့်လည်ရာတွင်ဖြတ်သန်းလိုသည့်မြို့နယ်များရှိပါကသက်ဆိုင်ရာမြို့နယ် ရဲတပ်ဖွဲ့မှူးများထံ၄၈နာရီကြိုတင်၍အသိပေးတင်ပြချက်မိတ္တူကိုပေးပို့ရမည် -

(က) ငြိမ်းချမ်းစွာစုဝေးခြင်းပြုလုပ်လိုသည့်ရည်ရွယ်ချက်၊နေရာ၊နေ့ရက်၊အချိန်အပိုင်းအခြား၊ငြိမ်းချမ်းစွာစုဝေးခြင်းပြုရာတွင်

ဟောပြောလိုသည့်အဓိကအကြောင်းအရာနှင့်ကြွေးကြော်လိုသည့်ကြွေးကြော်သံများ။

() ငြိမ်းချမ်းစွာစီတန်းလှည့်လည်ခြင်းပြုလုပ်လိုသည့်ရည်ရွယ်ချက်၊လမ်းကြောင်း၊နေ့ရက်၊ဖြတ်သန်းလိုသည့်မြို့နယ်များ၊

အချိန်အပိုင်းအခြားနှင့်ကြွေးကြော်လိုသည့်ကြွေးကြော်သံများ။

() ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့အတွက်အသိပေးတင်ပြသူ၊ဦးဆောင်မည့်ပုဂ္ဂိုလ် နှင့်ဟောပြောမည့်ပုဂ္ဂိုလ်တို့၏အမည်နှင့်ဆက်သွယ်ရမည့်လိပ်စာအပြည့်အစုံ။

() ငြိမ်းချမ်းစွာစုဝေးခြင်းသို့မဟုတ်ငြိမ်းချမ်းစွာစီတန်းလှည့်လည်ခြင်းပြုလုပ်မည့်အစီအစဉ်နှင့်ခန့်မှန်းလူဦးရေ။

() ငြိမ်းချမ်းစွာစုဝေးခြင်းသို့မဟုတ်ငြိမ်းချမ်းစွာစီတန်းလှည့်လည်ခြင်းနှင့်စပ်လျဉ်း၍အဖွဲ့အစည်းတစ်ရပ်အနေဖြင့်

ဆောင်ရွက်ပါကယင်းအဖွဲ့အစည်း၏ဆုံးဖြတ်ချက်မှတ်တမ်းသို့မဟုတ်အထောက်အထား။

() ဤဥပဒေပါစည်းကမ်းချက်များနှင့်တာဝန်ရှိပုဂ္ဂိုလ်သို့မဟုတ်အဖွဲ့အစည်းများကဒေသဆိုင်ရာလိုအပ်ချက်

အရကြိုတင်သတ်မှတ်ထားသောစည်းကမ်းချက်များနှင့်စပ်လျဉ်းသည့်ညှိနှိုင်းသဘောတူညီချက်။

 

အခန်း()

အသိပေးတင်ပြချက်ကိုလက်ခံဆောင်ရွက်ခြင်း

၅။ သက်ဆိုင်ရာမြို့နယ်ရဲတပ်ဖွဲ့မှူးသည်ပုဒ်မအရအသိပေးတင်ပြချက်ကိုလက်ခံရရှိသည့်အခါသက်ဆိုင်ရာမြို့နယ် အထွေထွေအုပ်ချုပ်ရေးဦးစီးဌာနအုပ်ချုပ်ရေးမှူးနှင့်သက်ဆိုင်ရာခရိုင်ရဲတပ်ဖွဲ့မှူးထံသို့ဆောလျင်စွာတင်ပြရမည်။

၆။ မြို့နယ်အထွေထွေအုပ်ချုပ်ရေးဦးစီးဌာနအုပ်ချုပ်ရေးမှူးသည်ပုဒ်မ၅အရတင်ပြချက်ကိုလက်ခံရရှိသည့်အခါ သက်ဆိုင်ရာခရိုင်အထွေထွေအုပ်ချုပ်ရေးဦးစီးဌာနအုပ်ချုပ်ရေးမှူးထံဆောလျင်စွာတင်ပြရမည်။

၇။ မြို့နယ်ရဲတပ်ဖွဲ့မှူးသည်တစ်နေရာတည်းတစ်ချိန်တည်းတွင်တစ်ဖွဲ့ထက်ပိုသောအဖွဲ့များမှငြိမ်းချမ်းစွာစုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းတို့ကိုပြုလုပ်ဆောင်ရွက်ရန်အတွက်အသိပေးတင်ပြလာပါကဦးဆောင်သူများနှင့် ဆွေးနွေးညှိနှိုင်းပြီးဖြေရှင်းဆောင်ရွက်ပေးရမည်။

အခန်း ()

စည်းကမ်းချက်များ

၈။ ငြိမ်းချမ်းစွာစုဝေးခြင်းပြုလိုသူများသည်ပုဒ်မအရအသိပေးတင်ပြချက်တွင်ဖော်ပြထားသည့်နေရာတွင်သာ

ငြိမ်းချမ်းစွာစုဝေးခြင်းပြုရမည်။

၉။ ငြိမ်းချမ်းစွာစီတန်းလှည့်လည်ခြင်းပြုလိုသူများသည်ငြိမ်းချမ်းစွာစီတန်းလှည့်လည်ရာတွင်အများပြည်သူအား

အနှောင့်အယှက်မဖြစ်စေရေးအတွက်ပုဒ်မအရအသိပေးတင်ပြချက်တွင်ဖော်ပြထားသည့်လမ်းကြောင်းအစနေရာတွင်

ငြိမ်းချမ်းစွာစတင်စုဝေးပြီးတင်ပြထားသည့်လမ်းကြောင်းအတိုင်းသာငြိမ်းချမ်းစွာစီတန်းလှည့်လည်ဆောင်ရွက်ခွင့်ရှိသည်။

၁၀။ ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းပြုသူများသည် -

(က) အများပြည်သူကိုအနှောင့်အယှက်အဟန့်အတားဖြစ်စေခြင်း၊စိတ်ငြိုငြင်စေခြင်း၊အန္တရာယ်ဖြစ်စေခြင်း၊ထိခိုက်နစ်နာစေခြင်း

သို့မဟုတ်ဖိအားပေးဆွဲဆောင်ခြင်းဖြစ်နိုင်သည့်အပြောအဆိုသို့မဟုတ်အပြုအမူကိုမပြုလုပ်ရ။

() စုဝေးသည့်နေရာသို့မဟုတ်စီတန်းလှည့်လည်သည့်လမ်းကြောင်းတစ်လျှောက်တွင်ပတ်ဝန်းကျင်ညစ်ညမ်းစေမည့်

အပြုအမူများမပြုလုပ်ရ။

() ယာဉ်များနှင့်လမ်းသွားလမ်းလာများ၊ပြည်သူများကိုအနှောင့်အယှက်ဖြစ်စေရန်ရည်ရွယ်ချက်ဖြင့်တမင်တားဆီး ပိတ်ဆို့ခြင်းကိုမပြုလုပ်ရ။

() နိုင်ငံတော်နှင့်ပြည်ထောင်စုကိုဖြစ်စေ၊လူမျိုးရေးသို့မဟုတ်ဘာသာရေးကိုဖြစ်စေ၊လူ့ဂုဏ်သိက္ခာနှင့်ကိုယ်ကျင့်တရား ကိုဖြစ်စေထိခိုက်စေမည့်အပြောအဆိုနှင့်အပြုအမူများကိုမပြုလုပ်ရ။

() မမှန်ကန်သောသတင်းများကိုဖြစ်စေ၊မမှန်ကန်သောအချက်အလက်များကိုဖြစ်စေဟောပြောခြင်းမပြုလုပ်ရ။

() ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ပြုရာတွင်အသိပေးတင်ပြထားသည့်အလံ၊ပိုစတာနှင့်

ဆိုင်းဘုတ်များမှအပအခြားအလံ၊ပိုစတာနှင့်ဆိုင်းဘုတ်များကိုကိုင်ဆောင်ခြင်း၊ပြသခြင်းမပြုလုပ်ရ။

() ငြိမ်းချမ်းစွာစီတန်းလှည့်လည်ခြင်းပြုရာတွင်လက်ကိုင်အသံချဲ့စက်မှအပအခြားအသံချဲ့စက်များအသုံးပြုခြင်း

သော်လည်းကောင်း၊အသိပေးတင်ပြထားသောကြွေးကြော်သံများမှအပအခြားကြွေးကြော်ခြင်းနှင့်အော်ဟစ်ခြင်း

သော်လည်းကောင်းမပြုလုပ်ရ။

() လူသားအချင်းချင်းမတူကွဲပြားမှုကြောင့်ခွဲခြားနှိမ့်ချခြင်း၊ဂုဏ်သိက္ခာညှိုးနွမ်းစေခြင်းတို့ကိုရည်ရွယ်သောအပြုအမူ၊

အပြောအဆိုတို့ကိုမပြုလုပ်ရ။

() ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ပြုလုပ်စေရန်မရိုးမဖြောင့်သောသဘောဖြင့်သူတစ်ဦးဦးအား

ငွေကြေးသို့မဟုတ်ပစ္စည်းတစ်စုံတစ်ရာပေး၍သွေးဆောင်ခြင်းမပြုရ။

() ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ပြုရာတွင်သူတစ်ဦးဦးအားပါဝင်စေရန်ခြိမ်းခြောက်ခြင်း၊

အတင်းအကျပ်ပြုခြင်း၊အနိုင်အထက်ပြုခြင်း၊မလျော်ဩဇာသုံးခြင်းတို့မပြုလုပ်ရ။

( ) ဤဥပဒေပါစည်းကမ်းချက်များနှင့်တာဝန်ရှိပုဂ္ဂိုလ်သို့မဟုတ်အဖွဲ့အစည်းများကဒေသဆိုင်ရာလိုအပ်ချက်အရကြိုတင်

သတ်မှတ်ထားသောစည်းကမ်းချက်များနှင့်စပ်လျဉ်းသည့်ညှိနှိုင်းသဘောတူညီချက်များကိုဖောက်ဖျက်ခြင်းမပြုရ။

၁၁။ ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းပြုသူများသည်ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်း

လှည့်လည်ခြင်းတို့ပြုရာတွင်-

(က) မည်သည့်လက်နက်တစ်မျိုးမျိုးကိုမျှကိုင်ဆောင်ခြင်းမပြုရ။

() သူတစ်ဦးဦးအားဘေးအန္တရာယ်ဖြစ်စေခြင်းသို့မဟုတ်အကြမ်းဖက်တိုက်ခိုက်ခြင်းမပြုရ။

() ပြည်သူပိုင်ပစ္စည်း၊အများပိုင်ပစ္စည်းနှင့်ပုဂ္ဂလိကပိုင်ပစ္စည်းများကိုထိခိုက်ပျက်စီးစေမည့်အပြုအမူများမပြုရ။

၁၂။  ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းပြုသူများသည်ဤဥပဒေပါစည်းကမ်းချက်တစ်ရပ်ရပ်

ကိုသော်လည်းကောင်း၊တာဝန်ရှိပုဂ္ဂိုလ်သို့မဟုတ်အဖွဲ့အစည်းများကဒေသဆိုင်ရာလိုအပ်ချက်အရကြိုတင်သတ်မှတ်

ထားသောစည်းကမ်းချက်များနှင့်စပ်လျဉ်းသည့်ညှိနှိုင်းသဘောတူညီချက်တစ်ရပ်ရပ်ကိုသော်လည်းကောင်း

လိုက်နာခြင်းမရှိ၍တာဝန်ရှိပုဂ္ဂိုလ်သို့မဟုတ်အဖွဲ့အစည်းကတားမြစ်ပါကစုဝေးခြင်းနှင့်စီတန်းလှည့်လည်ခြင်းကို

ဆက်လက်ဆောင်ရွက်ခြင်းမပြုဘဲလူစုခွဲရမည်။

အခန်း()

အရေးယူဆောင်ရွက်ခြင်း

၁၃။ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ကိုဆောင်ရွက်နေသူတို့အားနှောင့်ယှက်ခြင်း၊

စိတ်ငြိုငြင်စေခြင်း၊လက်ရောက်မှုကျူးလွန်ခြင်း၊အနိုင်အထက်ပြုခြင်းသို့မဟုတ်ဟန့်တားခြင်းမပြုနိုင်စေရန်လည်းကောင်း၊

ဘေးအန္တရာယ်မဖြစ်စေရန်လည်းကောင်းဒုတိယရဲအုပ်အဆင့်ထက်မနိမ့်သောရဲအရာရှိဦးဆောင်သည့်ရဲတပ်ဖွဲ့က

လိုအပ်သောကာကွယ်စောင့်ရှောက်မှုများကိုဆောင်ရွက်ရမည်။

၁၄။ ဒုတိယရဲအုပ်အဆင့်ထက်မနိမ့်သောရဲအရာရှိတစ်ဦးဦးသည် -

(က) ငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းတို့ကိုပြုလုပ်ရာတွင်ဤဥပဒေပါစည်းကမ်းချက် တစ်ရပ်ရပ်ကိုသော်လည်းကောင်း၊တာဝန်ရှိပုဂ္ဂိုလ်သို့မဟုတ်အဖွဲ့အစည်းများကဒေသဆိုင်ရာလိုအပ်ချက်အရကြိုတင်

သတ်မှတ်ထားသောစည်းကမ်းချက်များနှင့်စပ်လျဉ်းသည့်ညှိနှိုင်းသဘောတူညီချက်တစ်ရပ်ရပ်ကို သော်လည်းကောင်းလိုက်နာခြင်းမရှိကြောင်းတွေ့ရှိလျှင်ဖြစ်စေ၊ထိုသို့လိုက်နာခြင်းမရှိကြောင်းတိုင်ကြားချက်ကို

လက်ခံရရှိလျှင်ဖြစ်စေဦးဆောင်သည့်ပုဂ္ဂိုလ်အားသတိပေးရမည်။

() ပုဒ်မခွဲ(က)အရသတိပေးသည်ကိုလိုက်နာဆောင်ရွက်ခြင်းမရှိပါကမြို့နယ်ရဲတပ်ဖွဲ့မှူးထံချက်ချင်းတင်ပြရမည်။

၁၅။ မြို့နယ်ရဲတပ်ဖွဲ့မှူးသည်ပုဒ်မ၁၄၊ပုဒ်မခွဲ() အရတင်ပြချက်ကိုရရှိလျှင်မြို့နယ်အထွေထွေအုပ်ချုပ်ရေးဦးစီးဌာနအုပ်ချုပ်ရေးမှူးထံချက်ချင်းတင်ပြ၍ခွင့်ပြုချက်

ရယူပြီးစုဝေးခြင်းသို့မဟုတ်စီတန်းလှည့်လည်ခြင်းကိုတားမြစ်နိုင်သည်။

၁၆။ မြို့နယ်ရဲတပ်ဖွဲ့မှူးသည်ပုဒ်မ၁၅အရတားမြစ်သော်လည်းဆက်လက်စည်းကမ်းဖောက်ဖျက်ခြင်းများ၊လူစုမခွဲဘဲစုဝေးခြင်း

သို့မဟုတ်စီတန်းလှည့်လည်ခြင်းများရှိနေပါကမြို့နယ်ရဲတပ်ဖွဲ့မှူးသို့မဟုတ်၎င်းကတာဝန်ပေးအပ်သောဒုတိယ

ရဲအုပ်အဆင့်ထက်မနိမ့်သောရဲအရာရှိတစ်ဦးဦးသည်တည်ဆဲဥပဒေ၊နည်းဥပဒေ၊စည်းမျဉ်းသို့မဟုတ်စည်းကမ်း၊လုပ်ထုံး

လုပ်နည်းများနှင့်အညီလူစုကွဲသည်အထိဆက်လက်အရေးယူဆောင်ရွက်ရမည်။ထိုသို့အရေးယူဆောင်ရွက်ရာတွင်အင်အား

အလွန်အကျွံသုံးစွဲခြင်းမရှိစေရန်ကြီးကြပ်ဆောင်ရွက်ရမည်။

၁၇။ ဤဥပဒေနှင့်အညီအသိပေးတင်ပြခြင်းမရှိဘဲစုဝေးခြင်းနှင့်စီတန်းလှည့်လည်ခြင်းပြုသည့်မည်သည့်ပုဂ္ဂိုလ်၊အဖွဲ့အစည်း

ကိုမဆိုစုဝေးခြင်းသို့မဟုတ်စီတန်းလှည့်လည်ခြင်းပြုသည့်နေရာတွင်ပုဒ်မ၁၆ပါပြဋ္ဌာန်းချက်အတိုင်းသက်ဆိုင်ရာ

မြို့နယ်ရဲတပ်ဖွဲ့မှူးသည်ဆောလျင်စွာအရေးယူဆောင်ရွက်ရမည်။

အခန်း()

ပြစ်မှုနှင့်ပြစ်ဒဏ်များ

၁၈။ မည်သူမဆိုငြိမ်းချမ်းစွာစုဝေးခြင်းနှင့်ငြိမ်းချမ်းစွာစီတန်းလှည့်လည်ခြင်းပြုသူများအားနှောင့်ယှက်ခြင်း၊ဟန့်တားခြင်း၊

စိတ်ငြိုငြင်စေခြင်း၊လက်ရောက်မှုကျူးလွန်ခြင်း၊အနိုင်အထက်ပြုခြင်းသို့မဟုတ်ဘေးအန္တရာယ်ဖြစ်စေခြင်းကိုပြုကြောင်း

ပြစ်မှုထင်ရှားစီရင်ခြင်းခံရလျှင်ထိုသူကိုတစ်နှစ်ထက်မပိုသောထောင်ဒဏ်ဖြစ်စေ၊ကျပ်တစ်သိန်းထက်မပိုသောငွေဒဏ်ဖြစ်စေ၊

ဒဏ်နှစ်ရပ်လုံးဖြစ်စေချမှတ်ရမည်။

၁၉။ မည်သူမဆိုပုဒ်မပါပြဋ္ဌာန်းချက်များနှင့်အညီသက်ဆိုင်ရာသို့အသိပေးတင်ပြခြင်းမရှိဘဲစုဝေးခြင်းသို့မဟုတ်စီတန်းလှည့်လည် ခြင်းပြုကြောင်းပြစ်မှုထင်ရှားစီရင်ခြင်းခံရလျှင်ထိုသူကိုသုံးလထက်မပိုသောထောင်ဒဏ်ဖြစ်စေ၊ကျပ်သုံးသောင်းထက်မပိုသော

ငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေချမှတ်ရမည်။ယင်းပြစ်မှုကိုထပ်မံကျူးလွန်ကြောင်းပြစ်မှုထင်ရှားစီရင်ခြင်းခံရလျှင်ထိုသူကို တစ်နှစ်ထက်မပိုသောထောင်ဒဏ်ဖြစ်စေ၊ကျပ်တစ်သိန်းထက်မပိုသောငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေချမှတ်ရမည်။

၂၀။ မည်သူမဆိုပုဒ်မ၈၊ပုဒ်မနှင့်ပုဒ်မ၁၀တို့ပါစည်းကမ်းချက်တစ်ရပ်ရပ်ကိုဖောက်ဖျက်ကြောင်းပြစ်မှုထင်ရှားစီရင်ခြင်းခံရလျှင်

ထိုသူကိုတစ်လထက်မပိုသောထောင်ဒဏ်ဖြစ်စေ၊ကျပ်တစ်သောင်းထက်မပိုသောငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေချမှတ်ရမည်။

ယင်းပြစ်မှုကိုထပ်မံကျူးလွန်ကြောင်းပြစ်မှုထင်ရှားစီရင်ခြင်းခံရလျှင်ထိုသူကိုသုံးလထက်မပိုသောထောင်ဒဏ်ဖြစ်စေ၊

ကျပ်သုံးသောင်းထက်မပိုသောငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေချမှတ်ရမည်။

၂၁။ မည်သူမဆိုပုဒ်မ၁၁ပါတားမြစ်ချက်တစ်ရပ်ရပ်ကိုဖောက်ဖျက်ပါကထိုသူသည်သက်ဆိုင်ရာတည်ဆဲဥပဒေနှင့်အညီတရားစွဲဆိုခြင်းခံရမည်။

 အခန်း()

အထွေထွေ 

၂၂။ ဤဥပဒေအရအရေးယူသောပြစ်မှုကိုရဲအရေးယူပိုင်ခွင့်ရှိသောပြစ်မှုအဖြစ်သတ်မှတ်သည်။

၂၃။ မည်သူမဆိုဤဥပဒေပါပြစ်မှုတစ်ခုခုကိုဖောက်ဖျက်ကျူးလွန်ပါကထိုသူကိုပြစ်မှုဖောက်ဖျက်ကျူးလွန်သည့်နေ့မှ၁၅ရက်အတွင်း

သက်ဆိုင်ရာတရားရုံးသို့တရားစွဲဆိုတင်ပို့ရမည်။

၂၄။ ဤဥပဒေပုဒ်မ၁၈နှင့်ပုဒ်မ၁၉တို့အရတရားစွဲဆိုရာတွင်ဆက်စပ်မြို့နယ်များပါဝင်နေပါကပြစ်မှုကိုစတင်ဖောက်ဖျက်

ကျူးလွန်သည့်မြို့နယ်ရှိတရားရုံးကသာစီရင်ပိုင်ခွင့်ရှိသည်။

၂၅။ ပုဒ်မအရအသိပေးတင်ပြပြီးသူသည်အကြောင်းအမျိုးမျိုးကြောင့်ငြိမ်းချမ်းစွာစုဝေးခြင်းသို့မဟုတ်ငြိမ်းချမ်းစွာစီတန်း

လှည့်လည်ခြင်းမပြုလုပ်လိုပါကသက်ဆိုင်ရာမြို့နယ်ရဲတပ်ဖွဲ့မှူးထံဆောလျင်စွာအသိပေးတင်ပြရမည်။

၂၆။  ငြိမ်းချမ်းစွာစုဝေးခွင့်နှင့်ငြိမ်းချမ်းစွာစီတန်းလှည့်လည်ခွင့်ဆိုင်ရာဥပဒေ(၂၀၁၁ခုနှစ်၊ပြည်ထောင်စုလွှတ်တော်ဥပဒေအမှတ်၁၅။) အရထုတ်ပြန်ထားသောနည်းဥပဒေများ၊အမိန့်ကြော်ငြာစာ၊အမိန့်၊ညွှန်ကြားချက်များနှင့်လုပ်ထုံးလုပ်နည်းများကိုဤဥပဒေနှင့်

မဆန့်ကျင်သရွေ့ဆက်လက်ကျင့်သုံးနိုင်သည်။

၂၇။ ဤဥပဒေပါပြဋ္ဌာန်းချက်များကိုအကောင်အထည်ဖော်ဆောင်ရွက်ရာတွင်ပြည်ထဲရေးဝန်ကြီးဌာနသည် -

(က) နည်းဥပဒေ၊စည်းမျဉ်းသို့မဟုတ်စည်းကမ်းများကိုပြည်ထောင်စုအစိုးရအဖွဲ့၏သဘောတူညီချက်ဖြင့်ထုတ်ပြန်နိုင်သည်။

() အမိန့်ကြော်ငြာစာ၊အမိန့်၊ညွှန်ကြားချက်နှင့်လုပ်ထုံးလုပ်နည်းများကိုထုတ်ပြန်နိုင်သည်။

၂၈။ ငြိမ်းချမ်းစွာစုဝေးခွင့်နှင့်ငြိမ်းချမ်းစွာစီတန်းလှည့်လည်ခွင့်ဆိုင်ရာဥပဒေ (၂၀၁၁ခုနှစ်၊ပြည်ထောင်စုလွှတ်တော်ဥပဒေအမှတ်၁၅။) ကိုဤဥပဒေဖြင့်ရုပ်သိမ်းလိုက်သည်။ 

ပြည်ထောင်စုသမ္မတမြန်မာနိုင်ငံတော်ဖွဲ့စည်းပုံအခြေခံဥပဒေအရကျွန်ုပ်လက်မှတ်ရေးထိုးသည်။

 

 

(ပုံ)ထင်ကျော်                                  

နိုင်ငံတော်သမ္မတ                               

ပြည်ထောင်စုသမ္မတမြန်မာနိုင်ငံတော်            


 

 

သင့်ထင်မြင်ချက်လေး ရေးခဲ့ပါ။

Please leave comments or requests to revise or update, about this law...


မိတ်ဆွေ ပြည်ထောင်စု သားရောင်းရင်းများ ခင်ဗျား... ဒီစာမျက်နှာ သို့မဟုတ် ဒီဥပဒေနဲ့ ပတ်သက်ပြီး သင်ဘာပြောချင် ပါသလဲ? သင် ဘယ်လို မြင်ပါသလဲ? ထောက်ခံသလား? ကန့်ကွက်သလား? ဘယ်အပိုင်းက ခေတ်နဲ့ မညီဘူး ဖြစ်နေသလဲ? ဘယ်အပိုင်းကို ဦးစားပေး ပြင်သင့်တယ် ထင်သလဲ?
  • ကြောက်လို့ ဘာမှ မပြောဘဲ နေတာဟာ အဂတိ လိုက်စားတာပါ။ ‘ဘယာဂတိ’ လို့ ခေါ်ပါတယ်။ ဒါတွေ ရပ်ဘို့ လိုပါတယ်။ ပွင့်လင်းတဲ့ လူ့ဘောင် တစ်ခု ဖြစ်လာဘို့ ကျွန်တော်တို့ နိုင်ငံသားတွေကို အားပေး ရပါမယ်။ ပျိုးထောင် ရပါမယ်။ မိမိအမြင်ကို လွတ်လပ်စွာ ဆွေးနွေးတာ၊ တိုင်ပင် နှီးနှောတာ ဒီမိုကရေစီပါ။ ဆွေးနွေးပါ။ ဝေဖန်ပါ။ အားပေးပါတယ်။ ကျွန်တော်တို့ အားလုံးကိုယ်တိုင်လည်း အဝေဖန်ခံနိုင်အောင် ကြိုးစားရပါမယ်။  သဘောထား ကြီးအောင်ကြိုးစားပြီး။ agree to disagree ဆိုတာကို ဒီမိုကရေစီ နည်းကျ ကျင့်ကြံကြရပါမယ်။
  • မိမိ လုပ်ရပ်အားလုံးကို မိမိ တာဝန်ယူရမယ်ဆိုတာလည်း ဒီမိုကရေစီပါ။ ဆဲဆိုတာတွေ၊ မလုပ်ဘဲ ချက်ကျလက်ကျ ပြောဆိုဆွေးနွေး စေချင်ပါတယ်။ မေတ္တာရပ်ခံ လိုပါတယ်။ 
  • မတရားတာတွေ ဒီမိုကရေစီနည်းနဲ့ ရပ်တန့်ဘို့က ဒီလို ဆွေးနွေးဘို့ များများ လိုပါတယ်။ ဒီမှာ ဆွေးနွေးတာတွေကို law-maker တွေ၊ လွှတ်တော် ကိုယ်စားလှယ်တွေ မြင်အောင်၊ ဖတ်ဖြစ်အောင် ကျွန်တော်တို့ ကြိုးစား နေပါတယ်။ 
  • ကမ္ဘာမှာ အတိုးတက်ဆုံး အမေရိကန် ပြည်ထောင်စု ဆိုတာ ကမ္ဘာမှာ ဥပဒေ အများဆုံး ရှိတဲ့ တိုင်းပြည်ပါ။ ဆိုလိုတာက ချုပ်ချယ်မှု အများဆုံး တိုင်းပြည်ပါ။ ကာကွယ်သင့်တာတွေကို အကာအကွယ် အများဆုံး ပေးတဲ့ တိုင်းပြည်ပါ။ တစ်ချိန်တည်းမှာ ကမ္ဘာမှာ အလွတ်လပ်ဆုံး တိုင်းပြည်ပါ။ မိမိတို့ ချစ်တဲ့ မြန်မာနိုင်ငံကို the land of opportunities ဖြစ်လာအောင် ဝိုင်းဝန်း အကြံပေး ကြပါ။ ပြုပြင် ပေးကြပါလို့ နှိုးဆော် လိုက်ပါရစေ။

/ အယ်ဒီတာ

ဒီဥပဒေထဲမှာ ဘာတွေ ပြင်သင့်သလဲ? ဆွေးနွေးကြည့်ပါ။
What are needed to be revised in this law?

ဖွဲ့စည်းပုံကို သင့်ဖုန်းပေါ်မှာ ဖတ်နိုင်

Myanmar constitution app for Androidယခု လက်ရှိ မြန်မာနိုင်ငံ ဖွဲ့စည်းပုံ အခြေခံ ဥပဒေကို သင့် Android ဖုန်းပေါ်မှာ အလွယ်တကူ ဖတ်နိုင်အောင် mobile app ထုတ်ထားပါတယ်။ အခမဲ့ ရယူနိုင်ပါတယ်။ Myanmar Constitution app for Android mobiles. Download here.

ကက က္က

CSR project by Myanmars.NET

 
Welcome to Myanmar Laws Archive. This is a CSR (corporate social responsibility) project by Myanmars.NET for legal knowledge education program to our people. The law does not excuse people, because they do not know. Myanmar laws are based on English common law, so that it is very similar to many laws in United States, United Kingdom, Australia, Singapore, or Malaysia.

We also have a CSR policy that we do NOT do new businesses with alcoholic, cigarette, and MLM businesses.